Следчы камітэт Расіі перадаў беларускім калегам матэрыялы справы аб удары беспілотнікам па аўтобусе ў Бранскай вобласці.
“Прадстаўнікі СК Рэспублікі Беларусь вывучылі матэрыялы крымінальнай справы, якая знаходзіцца ў вытворчасці ГСУ СК Расіі, а таксама выяўленыя і канфіскаваныя на месцы здарэння фрагменты БПЛА. У рамках выканання даручэння аб прававой дапамозе беларускім калегам перададзены копіі неабходных працэсуальных дакументаў”, — паведаміла ТАСС афіцыйная прадстаўніца расійскага Следкама Святлана Пятрэнка.
Дапоўнена
Як паведамілі ў беларускім Следчым камітэце, следчыя разам з расійскімі калегамі наведалі месца здарэння, а таксама пляцоўку, дзе захоўваецца пашкоджаны аўтобус.
Была праведзена рабочая нарада, прысвечаная пытанням аператыўнага характару.
“Прадстаўнікі беларускага боку вывучылі матэрыялы крымінальнай справы, якая знаходзіцца ў вытворчасці ГСУ Следчага камітэта Расіі, а таксама выяўленыя і канфіскаваныя на месцы здарэння фрагменты БПЛА. У рамках выканання даручэння аб прававой дапамозе беларускім калегам перададзены копіі неабходных працэсуальных дакументаў”, — расказалі ў СК.
Нагадаем, аўтобус з беларускімі дзецьмі, якія накіроўваліся на адпачынак у расійскі Геленджык, 17 чэрвеня быў атакаваны, меркавана, беспілотнікам у Бранскай вобласці Расіі. У выніку загінула жанчына, якая суправаджала групу, восем чалавек, у тым ліку шасцёра дзяцей, атрымалі раненні. Масква заяўляе, што аўтобус быў атакаваны ўкраінскім дронам, Кіеў адхіляе гэтыя абвінавачанні і называе тое, што адбылося, інфармацыйнай правакацыяй.
