Сэрвіс маніторынгу ўзгаранняў FIRMS зафіксаваў 20 чэрвеня пажар у раёне лінейнай вытворча-дыспетчарскай станцыі «Мазыр», размешчанай паблізу Мазырскага НПЗ. На гэта звярнуў увагу тэлеграм-канал «Флагшток».
Паводле даных актуальных касмічных здымкаў, узгаранне адбылося на захад ад нафтаперапампоўвальнай станцыі — гарэлі лясныя ўгоддзі паблізу стратэгічнага аб’екта. Афіцыйная інфармацыя пра інцыдэнт не публікавалася.
Цеплавыя сігнатуры на тэрыторыі самога НПЗ, паводле даных канала, звязаныя са штатнай працай тэхналагічных установак, якая суправаджаецца выдзяленнем цяпла, адзначае рэсурс.
🔥 Падтрымайце Reform.news данатам!
