У Беларусі будзе створаны рэестр вытворцаў кармоў для жывёл. Дзейнасць вытворцаў, не ўключаных у яго, будзе лічыцца незаконнай.
Указ «Аб рэестры вытворцаў кармоў і кармавых дабавак» падпісаў сёння Аляксандр Лукашэнка.
Рэестр будзе фарміраваць Міністэрства сельскай гаспадаркі і харчавання. З 1 студзеня 2027 года ў яго будуць уключаны суб’екты, якія вырабляюць кармы або кармавыя дабаўкі для сельскагаспадарчых жывёл з мэтай іх рэалізацыі. Дзейнасць вытворцаў, не ўключаных у рэестр, будзе лічыцца незаконнай.
«Указ накіраваны на ўдасканаленне сферы вытворчасці кармоў і кармавых дабавак, што дазволіць павысіць прадуктыўнасць жывёл, забяспечыўшы іх збалансаванымі і паўнарацыянальнымі кармамі», – паведамляе прэс-служба Лукашэнкі.
🔥 Падтрымайце Reform.news данатам!