Польская пракуратура заявіла, што ў Мікіты Мелказёрава не выяўлена траўмаў, якія маглі б выклікаць смерць, але ў яго меліся хранічныя захворванні. Пра гэта «Белсату» заявіў прэс-сакратар Акруговай пракуратуры Варшавы Пётр Антоні Скіба.
«Даследаванні падчас ускрыцця не выявілі траўматычных змяненняў, якія маглі б прывесці да смерці. Выяўленыя змяненні звязаныя з хранічнымі захворваннямі памерлага», — заявіў Скіба, не ўдакладніўшы характар захворванняў.
Паводле слоў прадстаўніка пракуратуры, справа аб неўмысным забойстве прыпыненая ў чаканні медыцынскага заключэння па выніках судова-медыцынскага ўскрыцця і таксікалагічных даследаванняў.
Журналіст Мікіта Мелказёраў памёр у Варшаве ў ноч з 20 на 21 снежня. Яму было 37 гадоў.
🔥 Падтрымайце Reform.news данатам!
