Аляксандр Лукашэнка падпісаў указ «Аб мерах па развіцці міжнародных аўтамабільных перавозак грузаў», накіраваны на падтрымку айчынных перавозчыкаў і абнаўленне іх аўтапарка.
Дакумент прадугледжвае вызваленне ад выплаты ўтылізацыйнага збору ў 2026 годзе пры ўвозе ў краіну новых грузавых аўтамабіляў экалагічнага класа 5 і вышэй, а таксама прычэпаў і паўпрычэпаў. Льгота распаўсюджваецца на тэхніку не старэйшую за тры гады з даты выпуску.
«Указ накіраваны на стварэнне дадатковых умоў для абнаўлення беларускімі аўтаперавозчыкамі парку транспартных сродкаў, канкурэнтаздольных на міжнародным рынку», — паведамляе прэс-служба Лукашэнкі.
Чакаецца, што прэферэнцыі дазволяць павялічыць экспарт транспартных паслуг і будуць спрыяць развіццю экспартна-арыентаванага сегмента эканомікі Беларусі.
