Дзяржаўны мытны камітэт паведаміў аб узбуджэнні крымінальнай справы ў дачыненні да грамадзяніна Беларусі (ч. 2 арт. 231 КК). Мужчыну інкрымінуюць арганізацыю незаконнай схемы ўвозу аўтамабіляў.
Паводле версіі мытні, машыны прыбывалі з Літвы і змяшчаліся пад працэдуру часовага ўвозу, якая не прадугледжвае выплаты мытных плацяжоў. У Расіі для такіх аўтамабіляў вырабляліся тэхпашпарты з належнымі ім VIN-нумарамі і расійскія рэгістрацыйныя знакі.
Мужчына атрымліваў дакументы і нумары па пошце. І далей па гэтых дакументах адпраўляў машыны ў іншыя краіны ЕАЭС.
“Схему рэалізоўвалі на працягу трох гадоў, агульная сума неўплачаных плацяжоў склала 500 тыс. рублёў. На тэрыторыі Беларусі ўжо канфіскавана 5 такіх аўто. Арганізатара затрымалі ў Узде”, — паведамілі ў ДМК.
