45-гадовую жыхарку Мінска абвінавачваюць у падробцы лістка непрацаздольнасці, паведамляе прэс-служба Генпракуратуры. Паводле версіі следства, жанчына самастойна працягнула тэрмін непрацаздольнасці на два дні, унёсшы змены ў афіцыйны дакумент.
У маі 2025 года мінчанка звярнулася ў паліклініку са скаргамі на болі ў спіне і атрымала лісток непрацаздольнасці тэрмінам на два дні. Згодна з матэрыяламі крымінальнай справы, пазней яна выправіла ў дакуменце дату заканчэння бальнічнага і дату выхаду на працу, фактычна павялічыўшы яго працягласць яшчэ на два дні.
Паводле слоў абвінавачанай, яна працягвала дрэнна сябе адчуваць, аднак за афіцыйным працягненнем бальнічнага ў медустанову не звярталася.
Раней яна ўжо прыцягвалася да крымінальнай адказнасці, у тым ліку за ўхіленне ад пакрыцця выдаткаў на ўтрыманне дзяцей, аднак на дадзены момант судзімасці пагашаны.
Яе дзеянні кваліфікаваны па ч. 1 арт. 380 Крымінальнага кодэкса Беларусі (“Падробка, выраб, выкарыстанне альбо збыт падробленых дакументаў, штампаў, пячатак, бланкаў”).