Аляксандр Лукашэнка сёння зладзіў кадравы дзень. Ён абнавіў дзяржсакратарыят Савета бяспекі і прэзідыум Акадэміі навук. Таксама былі ўзгоднены прызначэнні ў Камітэце дзяржкантролю, міністэрствах і Пастаянным камітэце Саюзнай дзяржавы, а таксама ў іншых структурах.
У структуры КДК прызначаны адзін намеснік старшыні, а таксама кіраўнікі абласных падраздзяленняў:
- Максім Аляшкевіч стане намеснікам старшыні Камітэта дзяржаўнага кантролю (раней начальнік КДК Мінскай вобласці),
- Анатоль Даражко ўзначаліць КДК Мінскай вобласці (раней старшыня КДК Гродзенскай вобласці),
- Аляксей Іглікаў – КДК Гродзенскай вобласці (раней старшыня КДК Гомельскай вобласці).
Пасол Беларусі ў Кеніі Дзмітрый Красоўскі атрымаў дадатковую нагрузку. Па сумяшчальніцтве ён будзе прадстаўляць інтарэсы дзяржавы ў Танзаніі.
Аляксей Зубовіч стане намеснікам міністра эканомікі, раней ён быў начальнікам галоўнага ўпраўлення макраэканамічнага аналізу і прагназавання міністэрства, а Яўген Зенчанка – першым намеснікам старшыні Дзяржаўнага камітэта па навуцы і тэхналогіях, да гэтага ён быў начальнікам упраўлення лічбавізацыі і інавацыйнага развіцця Апарата Саўміна.
Віталь Каленік будзе працаваць дырэктарам арганізацыйнага дэпартамента Выканаўчага камітэта СНД.
Зроблены таксама шэраг прызначэнняў у Пастаянным камітэце Саюзнай дзяржавы:
- Іван Бельчык – начальнік Дэпартамента эканомікі і галіновых праграм,
- Аляксей Чарналеўскі – начальнік Дэпартамента прававога забеспячэння,
- Вадзім Дзенісенка – начальнік Дэпартамента абароннай прамысловасці і ваенна-тэхнічнага супрацоўніцтва (раней камандуючы сіламі спецыяльных аперацый Узброеных сіл),
- Вольга Петрашова – першы намеснік Адказнага сакратара Парламенцкага Сходу Саюза Беларусі і Расіі,
- Аляксандр Маркевіч – намеснік Адказнага сакратара – начальнік Апарата Прадстаўніцтва Парламенцкага Сходу Саюза Беларусі і Расіі ў Рэспубліцы Беларусь.
- Сяргей Сташкевіч – намеснік начальніка Апарата Прадстаўніцтва Парламенцкага Сходу Саюза Беларусі і Расіі ў Рэспубліцы Беларусь.
- Святлана Жвірыдоўская – намеснік начальніка Галоўнага прававога ўпраўлення Сакратарыята Парламенцкага Сходу Саюза Беларусі і Расіі.
Таксама былі ўзгоднены прызначэнні на раённым узроўні:
- Намеснік старшыні Пінскага райвыканкама Сяргей Жыдзецкі ўзначаліць Столінскі райвыканкам;
- Першы намеснік старшыні Вілейскага райвыканкама Сяргей Зубель будзе працаваць старшынёй Лагойскага райвыканкама;
- Кіраўнік адміністрацыі Ленінскага раёна Брэста Аляксандр Уласавец пяройдзе на аналагічную пасаду ў Маскоўскі раён таго ж горада;
- Адміністрацыю Ленінскага раёна Брэста ўзначаліць начальнік галоўнага ўпраўлення арганізацыйна-кадравай работы Брэсцкага аблвыканкама Мікалай Яфімовіч;
- Рэктарам Беларускай дзяржаўнай акадэміі мастацтваў стане Анастасія Каласоўская. Да гэтага яна была прарэктарам БДАМ па вучэбнай рабоце.
