Аляксандр Лукашэнка лічыць падаражанне паліва цярпімым. Пра гэта ён заявіў сёння ў Мінску. Паводле яго слоў, трэба памятаць, што бясплатнага бензіну не бывае.
“Вайна пачалася — паліва пачало даражэць. У нас яшчэ цярпіма. Едуць усе запраўляцца да нас. Вось гэтыя ўсе “варожыя” дзяржавы. Я, вядома, іх ворагамі не лічу. Едуць у “дыктатуру” запраўляцца. З Украіны, праўда, не едуць. Таму што там яны мяжу цалкам закрылі. Прыедуць — няхай запраўляюцца. Мы не супраць.
Мы маем сёння больш выгадныя ўмовы. Тым не менш цэны рухаюцца. І гэта не ад нас залежыць. Мы ж вайну на Блізкім Усходзе не пачыналі і чвэрць прыроднага газу і нафтапрадуктаў мы там у Армузскім праліве не блакавалі. Але свет узаемазалежны. Таму, купляючы па два-тры аўтамабілі на сям’ю, трэба памятаць, што бясплатнага бензіну няма”, — сказаў ён.
Ён нагадаў, што Беларусь большую частку нафты імпартуе.
“І ад гэтай цаны залежыць і тут. Але пакуль цярпіма. Калі нават дзе-небудзь цэны зрушыліся, таксама кантралюем, мы на гэтую капеечку спрабуем неяк павысіць заработную плату. Я ведаю, што не багата жывём. Але жыць можна”, — сказаў ён.
Нагадаем, з 28 сакавіка “Белнафтахім” павысіў рознічныя цэны на бензін і дызельнае паліва на 4 капейкі.