9-гадовы хлопчык у Смаргонскім раёне спаліў 450 тон саломы. Адказваць за гэта будуць яго бацькі.
15 жніўня ў МНС паступіла паведамленне пра ўзгаранне саломы ў полі каля вёскі Шэметава. Згарэла 450 тон саломы, якая належала мясцоваму сельскагаспадарчаму прадпрыемству. Сума шкоды склала больш за 12 тысяч рублёў, паведамляе Следчы камітэт.
Устаноўлена, што пажар учыніў 9-гадовы школьнік. Падчас прагулкі ён знайшоў запалкі, адправіўся ў поле і падпаліў сцірту. Агонь пачаў хутка распаўсюджвацца. Дзіця паспрабавала патушыць агонь самастойна, а потым уцякло. Дарослым ён нічога не расказаў.
Матэрыяльную шкоду будуць кампенсаваць бацькі школьніка.
🔥 Падтрымайце Reform.news данатам!