У Познані ў вагоне грузавога цягніка знойдзена прылада, падобная да GPS-трэкера. Яе выявіў супрацоўнік чыгункі ў панядзелак, 15 чэрвеня, падчас абслугоўвання рухомага саставу і паведаміў паліцыі, паведамляе TVP24.
На месца здарэння выехала следча-аператыўная група. Падазроны прадмет накіруюць на экспертызу.
«Гэты прадмет, падобны да GPS-трэкера, будзе падвергнуты лабараторнай экспертызе, якая павінна перш за ўсё адказаць на пытанне, што гэта за прылада, якія магчымыя паведамленні або даныя яна змяшчала, а таксама якія сляды нам удасца на ёй выявіць», — заявіў прэс-сакратар паліцыі Познані Лукаш Патэрскі.
Расследаванне вядзецца пад наглядам пракуратуры паводле артыкула аб незаконным атрыманні інфармацыі. Пра сітуацыю праінфармавана Агенцтва ўнутранай бяспекі Польшчы (ABW).
Вагон, у якім была знойдзена прылада, з сярэдзіны лютага знаходзіўся ў майстэрні ў Познані, а за апошні год быў ва Украіне і Беларусі.
