Дзяржкамваенпрам у бліжэйшы час можа прадставіць зенітны ракетна-гарматны комплекс для барацьбы з беспілотнікамі. Пра гэта сёння заявіў старшыня камітэта Дзмітрый Пантус.
“У самы бліжэйшы час будзе прынята чарговая праграма па развіцці ракетабудавання ў нашай краіне, літаральна ў першым квартале яна павінна быць зацверджана. Там запланавана вельмі шмат новых вырабаў. Пра ўсё, вядома ж, я не магу сказаць.
Адзначу, што мы актыўна працуем над стварэннем зенітнага ракетнага комплексу блізкага дзеяння. Мы працуем над боепрыпасам для гранатамётаў розных тыпаў. Не выключана, што ў самы бліжэйшы час з’явіцца і айчынны зенітны ракетна-гарматны комплекс для барацьбы з беспілотнымі лятальнымі апаратамі”, — цытуе яго БелТА.
Таксама сёння перад калегіяй Дзяржкамваенпрама Пантус распавёў пра планы па мадэрнізацыі РСЗА «Паланэз-М» і паказчыках ваеннага экспарту.
