Дазвол на выкарыстанне валюты пры разліках за перавозкі падоўжаны яшчэ на год. Адпаведнае рашэнне замацавана сумеснай пастановай Савета Міністраў і праўлення Нацыянальнага банка №824/29 ад 31 снежня, якая сёння апублікавана на Нацыянальным прававым інтэрнэт-партале. Яна ўступіла ў сілу з дня прыняцця.
На працягу 2026 года юрыдычным асобам-рэзідэнтам і індывідуальным прадпрымальнікам-рэзідэнтам дазволена выкарыстоўваць валюту для разлікаў з юрыдычнымі асобамі-рэзідэнтамі і індывідуальнымі прадпрымальнікамі-рэзідэнтамі, якія займаюцца транспартнай, транспартна-экспедыцыйнай дзейнасцю, за перавозку, экспедзіраванне грузаў за межы краіны, з-за межаў краіны, за яе межамі і пры транзіце праз Беларусь. Міністэрства транспарту і камунікацый надзелена правам тлумачыць прымяненне дадзенай нормы.
Варта адзначыць, што пастанова, апублікаваная сёння, таксама ўтрымлівае пункт для службовага карыстання.
