У Мінску да ўборкі снегу і апрацоўкі прыдамавых тэрыторый супрацьгалалёднымі матэрыяламі прыцягнута больш за 5 тысяч чалавек і звыш 200 адзінак тэхнікі і сродкаў механізацыі, паведамілі у прэс-службе ЖКГ.
У работах задзейнічаны 155 адзінак спецыялізаванай тэхнікі і 62 адзінкі сродкаў малой механізацыі, а таксама 1495 работнікаў, якія займаюцца комплекснай уборкай і ўтрыманнем дамавалоданняў. Акрамя таго, у расчыстцы двароў удзельнічаюць 3780 жыхароў Мінска, прадстаўнікі тэрытарыяльнага грамадскага самакіравання і грамадскіх арганізацый.
У горадзе працягваюць працу 169 пунктаў выдачы інвентару для ўборкі снегу. Камунальныя службы таксама арганізавалі дадатковую дастаўку лапат непасрэдна ў двары.
Гараджанам нагадалі, што ў адпаведнасці з правіламі добраўпарадкавання абавязак па ўборцы снегу вакол асабістага аўтамабіля на адлегласці не менш за адзін метр ускладзены на аўтаўладальнікаў.