Беларускія аператары будуць праводзіць апытанні пра якасць паслуг сувязі. Міністэрства сувязі і інфарматызацыі зацвердзіла інструкцыю аб парадку іх правядзення. Пастанова ведамства №10 ад 22 мая сёння апублікавана на Нацыянальным прававым інтэрнэт-партале і ўступае ў сілу з 7 чэрвеня.
Апытанні будуць праводзіцца праз тэлефонныя званкі і накіраванне СМС-паведамленняў. Іх мэта — атрымаць ацэнку ўзроўню задаволенасці якасцю паслуг электрасувязі (уключаючы, але не абмяжоўваючыся, якасцю перадачы маўлення, хуткасцю перадачы даных), працы сеткі электрасувязі, а таксама абслугоўвання абанентаў.
Апытанні могуць праводзіцца па ініцыятыве аператара шляхам фарміравання выбаркі абанентаў. Яшчэ адзін метад — непасрэдна пасля завяршэння кантакту абанента са службай тэхнічнай падтрымкі і наведвання сэрвісных цэнтраў у выпадку ўзнікнення негатыўнай зваротнай сувязі ў выніку такога кантакту або наведвання.
Правядзенне апытанняў абанентаў дапускаецца ў перыяд з 10:00 да 20:00, за выключэннем апытанняў, якія праводзяцца для ўстанаўлення недаступнасці паслуг электрасувязі.
Абаненты таксама могуць падаць заяву, каб аператар спыніў іх апытваць.
