Культурная Re:візія

Reform.news распачынае новы праект — «Культурная Re:візія», у якім праз тэксты беларускіх крытыкаў паспрабуем скласці мапу культурнага ландшафту ў Беларусі і замежжы.

Ці можна казаць, што за апошнія некалькі гадоў у беларускай культуры адбылося нешта значнае? Якіх творцаў (пера)адкрылі «змрочныя» часы? Якія творы, што з’явіліся, нельга забыць, а якія — наадварот — варта? Што дзеецца ў Беларусі? І што важна адлюстраваць? Каб адказаць на гэтыя пытанні, мы звярнуліся да аўтараў — крытыкаў, культурных журналістаў, даследчыкаў, голас якіх, ва ўмовах катаклізмаў, здаецца, і не надта запатрабаваны. Але, у справе рэфлексіі і аналізу культурніцкіх працэсаў — ён неацэнны.

Цягам шасці месяцаў на нашым партале будуць выходзіць крытычныя тэксты — розных аўтараў, якіх мы жорстка не стрымлівалі ў фармаце, пра творцаў, творы і з’явы. У пэўным сэнсе, праект — гэта і рэвізія нашай крытыкі паводле выбару Reform.news.

***

Праект падтрыманы праграмай ArtPower Belarus і фінансуецца Еўрапейскім Cаюзам.

 Падпісвайцеся на культурныя навіны Reform.news у Telegram