ЗША прапаноўвалі Нікаласу Мадуру з’ехаць у Турцыю. Аднак ён адмовіўся і кінуў выклік амерыканскай адміністрацыі. Пра гэта, адказваючы на пытанні журналістаў разам з Дональдам Трампам, на борце прэзідэнцкага самалёта заявіў сенатар Ліндсі Грэм.
“Гэта добра, а не дрэнна. Прэзідэнт Байдэн прызначыў узнагароду ў 25 мільёнаў за галаву гэтага хлопца. Чаму? Таму што ён быў жахлівым злачынцам-забойцам, які атручваў наш народ. Кожная адміністрацыя казала, што ён уяўляе пагрозу для нашай краіны. Ён дрэнны хлопец. Гэты (Дональд Трамп — заўв.) першы, хто сапраўды нешта з гэтым зрабіў. Вось што я магу сказаць.
Сёння ён мог бы быць у Турцыі, але ён у Нью-Ёрку. Так што калі вы кажаце людзям на Кубе, што вам трэба перастаць быць камуністычнай дыктатурай, пагражаючы Амерыцы, і вам варта з’ехаць куды-небудзь яшчэ, вам лепш прыняць гэтую прапанову. Мадура можа вінаваціць толькі сябе. Ён (Дональд Трамп — заўв.) даў яму магчымасць сысці. Ён вырашыў кінуць выклік Трампу і амерыканскім вайскоўцам, і яго задніца сядзіць у турме, дзе ён і заслугоўвае быць”, — заявіў сенатар.
