Беларускі інстытут тэатра падвёў вынікі другога этапу конкурсу «Dramatyzacyja», і вынік аказаўся сімвалічным: у фінальную пяцёрку ўвайшлі выключна жанчыны-аўтаркі. З 66 заявак, пададзеных на конкурс, менавіта гэтыя тэксты былі прызнаны журы найбольш актуальнымі і моцнымі.
Мэта ініцыятывы — каб сучасныя тэксты былі прачытаны і дасягнулі шырокай аўдыторыі, а голас беларускіх драматургаў і драматургінь быў пачуты на міжнародным узроўні. У гэтым сезоне гэты голас — выразна жаночы.
Вось пяць найлепшых п’ес, прызнаных экспертамі:
-
«Рыжая белка» — Хася Корнева
-
«Лімб» — Рэната Талан
-
«Настоящее» — Ксенія Шталянкова
-
«Последний свидетель [старого Гродно]» — Amalia Riznich
-
«Любое месца, дзе засталіся сляды» — Марыя Бяльковіч
Менавіта гэтыя п’есы атрымаюць сваё першае сцэнічнае ўвасабленне на адмысловым фестывалі ў Варшаве. Рэжысёры і рэжысёркі прадставяць творы ў фармаце перфарматыўных чытанняў на спецыяльным афлайн-мерапрыемстве ў красавіку.
Нагадаем, што Беларускі інстытут тэатра быў створаны Беларускім тэатральным кам’юніці два гады таму з мэтай кансалідацыі тэатральных дзеячаў па абодва бакі мяжы, адвакацыі беларускага незалежнага тэатра ў эміграцыі, і яго прамоцыі. Адныя з праектаў інстытута — серыя анлайн-дыскусій #BIT_talks, збор архіву тэатра за 2020-2023 гады, конкурс беларускай драматургіі «Dramatyzacyja».
Падпісвайцеся на культурныя навіны Reform.news у Telegram
