Мінабароны пачынае планавыя вучэбныя зборы з ваеннаабавязанымі тэрытарыяльных войскаў Маларыцкага і Драгічынскага раёнаў. Яны пройдуць з 7 па 31 ліпеня.
Як паведамілі ў міністэрстве, у гэты перыяд плануецца прыняць ваеннаабавязаных, правесці іх забеспячэнне. Яны пройдуць падрыхтоўку да выканання задач. Таксама будуць адноўлены навыкі каманднага складу. Элементам збораў стане адпрацоўка фарміравання, падрыхтоўкі і прымянення атрадаў народнага апалчэння.
«Асноўная ўвага будзе нададзена адпрацоўцы задач тэрытарыяльнай абароны падчас рэалізацыі мер ваеннага становішча з адпрацоўкай пытанняў абароны асабовага складу і аб’ектаў ад беспілотных лятальных апаратаў», — дадалі ў міністэрстве.
🔥 Падтрымайце Reform.news данатам!
