Канфлікт паміж аднагрупнікамі аднаго з каледжаў Гомеля скончыўся нажавым ударам. Пацярпеў 17-гадовы падлетак. Пра гэта паведамілі ў СК.
“Сёння раніцай паміж двума 17-гадовымі навучэнцамі аднаго з каледжаў адбыўся канфлікт падчас праходжання практыкі на вучэбным палігоне. У выніку непаўналетні нанёс нажавое раненне аднагрупніку. Пацярпелага даставілі ў бальніцу. Нягледзячы на намаганні ўрачоў, хлопец памёр”, – гаворыцца ў паведамленні.
Узбуджана крымінальная справа па ч. 1 арт. 139 (забойства) Крымінальнага кодэкса.
На месцы працуе следча-аператыўная група. Канфіскавана прылада злачынства. Следчыя працуюць з затрыманым непаўналетнім, дапытваюць удзельнікаў інцыдэнту і адміністрацыю ўстановы адукацыі.
🔥 Падтрымайце Reform.news данатам!