Савет міністраў Беларусі прыняў пастанову «Аб парадку ажыццяўлення закупак тавараў (работ, паслуг) за кошт уласных сродкаў».
Як паведамілі ў прэс-службе ўрада, пастанова ўступіць у сілу праз 3 месяцы пасля апублікавання. Пакуль яна яшчэ не апублікаваная.
Пастанова прадугледжвае лічбавізацыю закупачнага працэсу па аналогіі з парадкам ажыццяўлення працэдур дзяржаўных закупак. Цяпер канкурэнтныя закупкі павінны будуць праводзіцца ў электронным фармаце. Раней у адкрытым доступе ў абавязковым парадку размяшчалася толькі запрашэнне да ўдзелу ў канкурэнтнай працэдуры закупкі). Выключэнне зроблена для закупак, якія ўтрымліваюць звесткі, што адносяцца да службовай інфармацыі абмежаванага распаўсюджвання.
Пастановай устанаўліваецца адзіны парадак закупак для арганізацый рэспубліканскага і мясцовага ўзроўняў.
Заканадаўства аб закупках за кошт уласных сродкаў не распаўсюджваецца на:
- закупкі звыш 100 базавых велічынь (раней дазваляліся закупкі без уліку патрабаванняў пастановы №229 на суму да 1000 базавых велічынь неабмежаваную колькасць разоў),
- суб’ектаў-удзельнікаў холдынга з удзелам дзяржавы,
- дагаворы арэнды (у тым ліку фінансавай арэнды (лізінгу).
Уводзіцца забарона на ўдзел у закупках асоб, афіліяваных з закупляючай арганізацыяй, суб’ектаў, датычных да тэрарыстычнай і экстрэмісцкай дзейнасці, юрыдычных асоб, прыцягнутых да адміністрацыйнай адказнасці за карупцыйныя правапарушэнні.
Скарачаюцца падставы для закупак без выканання патрабаванняў заканадаўства аб закупках за кошт уласных сродкаў (захаваны выключэнні ў дачыненні да закупак нафты, электрасувязі, нерухомасці, тавараў па фіксаваных цэнах, тавараў (паслуг), якія патрабуюць аператыўнага рашэння, і іншае).
Устаноўлены асаблівасці для набыцця ў арэнду тэхнікі, пры выкананні работ, аказанні паслуг, з выкарыстаннем тэхнікі (аўтамабілі грузавыя, аўтамабілі спецыяльнага прызначэння, прычэпы і паўпрычэпы, машыны сельскай і лясной гаспадаркі, трактары гусенічныя, бульдозеры, экскаватары па асобных кодах АКРБ).
