Урад ухваліў праект Саюзнай дзяржавы «Стварэнне ўмоў для функцыянавання турыстычнага інфармацыйнага цэнтра Саюзнай дзяржавы». Адпаведную пастанову падпісаў прэм’ер Аляксандр Турчын.
Цэнтр плануецца размясціць у будынку былога кінатэатра «Кастрычнік» у Смаленску. Цэнтр будзе пабудаваны за кошт сродкаў бюджэту Саюзнай дзяржавы. Тэрмін рэалізацыі праекта — 2026–2027 гады.
«Цэнтр закліканы забяспечыць развіццё і прасоўванне турыстычнага патэнцыялу Саюзнай дзяржавы на ўнутраным і міжнародным рынках, стымуляванне стварэння і прасоўвання беларуска-расійскіх прапаноў у сферы турызму, а таксама захаванне гістарычнай памяці і агульных культурна-гістарычных каштоўнасцяў нашых народаў», — паведамляе прэс-служба ўрада.
🔥 Падтрымайце Reform.news данатам!