Вядомы твор Марка Шагала «Над горадам» будзе экспанавацца ў Мастацкім музеі Віцебска ў дні «Славянскага базару». Пра гэта БелТА паведамілі ў Міністэрстве культуры.
Палатно пераедзе з маскоўскай Траццякоўскай галерэі. Для экспанавання карціны ў Мастацкім музеі падрыхтавана асобная зала. Насупраць яе будзе выстаўленая праца Юрыя Пэна – настаўніка Шагала. Экспазіцыю дапоўняць карціны з фондаў Нацыянальнага мастацкага музея – аўтапартрэт Пэна і партрэт яго таленавітага выхаванца, які таксама напісаў Пэн.
Карціна Шагала прабудзе ў абласным цэнтры на працягу двух месяцаў. Нагадаем, што да кастрычніка ў Нацыянальным мастацкім музеі ў Мінску экспануецца яшчэ адна карціна Марка Шагала – «Прагулка».
Падпісвайцеся на культурныя навіны Reform.news у Telegram
