У ТГ-канале Reform.news прайшло апытанне “За каго б вы прагаласавалі на выбарах у Каардынацыйную раду?” – вынікі

Учора раніцай мы апублікавалі апытанне ў нашым тэлеграм-канале з пытаннем “За каго б вы прагаласавалі на выбарах у Каардынацыйную раду?”. Усе ахвотныя суткі маглі ананімна галасаваць за блокі, якія ўдзельнічаюць у выбарах. Сёння мы публікуем вынікі апытання – ёсць відавочны лідар.

Усяго ў нашым галасаванні прыняло ўдзел 2102 чалавекі. Форму апытання прагледзелі 16,2 тысячы разоў. Відавочных накрутак мы не заўважылі.

Варта адзначыць, што прыняць удзел у тг-апытанні маглі не толькі тыя, хто мае права галасаваць на выбарах у КР. Таксама частка тых, хто прыняў удзел у галасаванні, указалі, што не будуць галасаваць на рэальных выбарах – іх аказалася 637, або 30%.

Адказы размеркаваліся так:

1. Кааліцыя Латушкі і Рух “За свабоду” (выбарчы нумар 9) – 38% (803 галасы)
2. “Хопіць баяцца!” (выбарчы нумар 3) – 6% (128 галасоў)
3. Рух “Воля” (выбарчы нумар 4) – 5% (105 галасоў)
4. “Еўрапейскі выбар” (выбарчы нумар 2) – 4% (92 галасы)
5. «Беларусы дзеяння» (выбарчы нумар 8) – 4% (86 галасоў)
6. 6/7. «Аб’яднаная грамадзянская платформа» (выбарчы нумар 5) – 4% (73 галасы)
7. 6/7. «Наступ» (выбарчы нумар 6) – 4% (73 галасы)
8. «Ваш Голас» (выбарчы нумар 1) – 3% (69 галасоў)
9. «Закон і правапарадак» (выбарчы нумар 7) – 2% (36 галасоў)
10. Не буду галасаваць – 30% (637 галасоў)

Калі ачысціць вынік ад тых, хто прыняў удзел у апытанні, але вырашыў не галасаваць на выбарах у КР, а таксама ўлічыць усталяваны мінімальны праходны парог у 3%, долі размеркаваліся б так:

1. Кааліцыя Латушкі і Рух «За свабоду» (№9) — 56,2%
2. «Хопіць баяцца!» (№3) — 9,0%
3. Рух «Воля» (№4) — 7,3%
4. «Еўрапейскі выбар» (№2) — 6,4%
5. «Беларусы дзеяння» (№8) — 6,0%
6. «Аб’яднаная грамадзянская платформа» (№5) — 5,1%
7. «Наступ» (№6) — 5,1%
8. «Ваш Голас» (№1) — 4,8%

Спіс «Закон і правапарадак» (№7), які не пераадолеў праходны парог і набраў фактычна 2,5%, у размеркаванні мандатаў удзелу б не прымаў.

Калі лічыць 80 месцаў па ачышчаным варыянце пасля адсечкі спіса ніжэй за 3% і размеркаваць мандаты па метадзе Д’Ондта, атрымалася б так:

1. Кааліцыя Латушкі і Рух «За свабоду» — 46 месцаў
2. «Хопіць баяцца!» — 7 месцаў
3. Рух «Воля» — 6 месцаў
4. «Еўрапейскі выбар» — 5 месцаў
5. «Беларусы дзеяння» — 4 месцы
6. «Аб’яднаная грамадзянская платформа» — 4 месцы
7. «Наступ» — 4 месцы
8. «Ваш Голас» — 4 месцы

Звярніце ўвагу, гэта неафіцыйнае апытанне. Вынікі рэальных выбараў будуць адрознівацца. Таксама праверце, ці не памыліліся мы ў падліках.