У Мінску кантраляваць аплату паркоўкаў будзе мабільны комплекс, усталяваны на легкавым аўтамабілі Belgee X50. Пра гэта паведамілі ў ДУ «Паркоўкі сталіцы», піша «Мінск-Навіны».
Аўтамабіль будзе абсталяваны магнітнымі наклейкамі «Бяспека руху» і курсіраваць па маршрутах, якія ахопліваюць максімальную колькасць парковак горада. У цяперашні час завяршаецца інтэграцыя праграмнага забеспячэння комплексу з сістэмай parkouka.by.
Схема працы наступная: комплекс фіксуе адсутнасць аплаты і перадае інфармацыю ў праграмна-тэхнічны комплекс. Пры паўторнай фіксацыі парушэння супрацоўнік установы размяшчае на аўтамабілі інфармацыйны лісток пра парушэнне парадку аплаты.
🔥 Падтрымайце Reform.news данатам!
