Намеснік кіраўніка Аб’яднанага пераходнага кабінета, дэлегат Каардынацыйнай рады Павел Латушка і спікер Каардынацыйнай рады Арцём Брухан сустрэліся з кіраўніком парламенцкай групы «За дэмакратычную Беларусь» Нацыянальнага сходу Францыі Фрэдэрыкам Пеці.
На сустрэчы бакі абмеркавалі пытанні прыцягнення да адказнасці. Дэпутат Нацыянальнага сходу Францыі выказаўся за неабходнасць прыцягнення Лукашэнкі і яго саўдзельнікаў да адказнасці за злачынствы, здзейсненыя супраць беларускага і ўкраінскага народаў.
Латушка і Брухан таксама азнаёмілі Пеці з канцэпцыяй круглага стала як механізму выхаду з унутрыпалітычнага крызісу ў Беларусі.
Фрэдэрык Пеці са свайго боку падкрэсліў, што Францыя не змяняе сваю палітыку ў дачыненні да рэжыму Лукашэнкі, паведамілі ў прэс-службе АПК.
