На адным з палігонаў Ваенна-паветраных сіл і войскаў супрацьпаветранай абароны прайшоў эксперымент па абароне крытычна важнага аб’екта ад беспілотнікаў умоўнага праціўніка.
Як паведамілі ў Міністэрстве абароны Беларусі, эксперымент складаўся з некалькіх этапаў. Падчас першага адпрацоўваліся дзеянні па супрацьдзеянні беспілотнікам самалётнага тыпу, на другім — квадракоптарнага тыпу, на трэцім — ацэньвалася эфектыўнасць элементаў пасіўнай абароны.
Як заявіў камандуючы ВПС і войскамі СПА Андрэй Лук’яновіч, у выпрабаваннях прынялі ўдзел 59 розных комплексаў — ад сродкаў выяўлення і падаўлення да сістэм знішчэння цэляў. Акрамя таго, вакол двух аб’ектаў былі разгорнуты сродкі пасіўнай абароны для праверкі іх выніковасці.
«Хацелася б адзначыць, што больш за 80% сродкаў, прадстаўленых на сённяшні эксперымент, — нашай беларускай вытворчасці, якія мы ацэньвалі сёння, у тым ліку і на заключным этапе. Увогуле дадзены эксперымент праводзіўся з 4 лютага. Мы змаглі ў комплексе ацаніць эфектыўнасць і пацвярджэнне заяўленых характарыстык усіх комплексаў. Па выніках эксперымента мы вызначылі тыя сродкі, якія найбольш эфектыўныя, і па аналізе дадзенага эксперымента будзе выбудавана сістэма супрацьдзеяння беспілотным лятальным апаратам і абароны крытычна важных аб’ектаў.
Найбольш эфектыўныя сродкі — гэта і радыёлакацыйныя станцыі, і сродкі РЭБ, і комплексы паражэння БПЛА, у тым ліку тыя, што працуюць на новых фізічных прынцыпах – лазерныя, і эфектыўнае ўзбраенне для мабільных агнявых груп», – распавёў ён.
