Савет Міністраў пастановай №12 ад 12 студзеня вызначыў памер субсідый на адзінку рэалізаванай сельскагаспадарчай прадукцыі. Дакумент сёння афіцыйна апублікаваны на Нацыянальным прававым інтэрнэт-партале.
Субсідыі ў 2026 годзе будуць выплачвацца са сродкаў мясцовых бюджэтаў. Іх будуць атрымліваць сельгасвытворцы. Устаноўлена, што ў раёнах, аднесеных да неспрыяльных для вытворчасці сельгаспрадукцыі, субсідыі павінны быць павялічаныя на 1–10%.
Атрыманыя сродкі рэкамендавана выкарыстоўваць для набыцця ўгнаенняў, ГЗМ, насення, сродкаў аховы раслін, ветпрэпаратаў і г. д., пагашэння крэдытаў.
Савет Міністраў увёў даплаты на пладова-агароднінную прадукцыю, закладзеную ў стабілізацыйныя фонды. Яны складуць:
- на бульбу — 71 рубель за тону,
- на белакачанную капусту — 108 рублёў за тону,
- на моркву — 90 рублёў за тону,
- на буракі — 78 рублёў за тону,
- на цыбулю — 112 рублёў за тону,
- на яблыкі — 320 рублёў за тону.
Варта адзначыць, што ў адпаведнасці з парадкам, устаноўленым у мінулым годзе, МАРГ вызначае максімальныя адпускныя і рознічныя цэны на ўказаную прадукцыю пры закладцы ў стабфонды і рэалізацыі з іх у розніцу.
Памер даплат на астатнія віды прадукцыі не быў зменены ў параўнанні з 2025 годам. Разам з тым урад дыферэнцыяваў памер даплаты на буйную рагатую жывёлу ў залежнасці ад катэгорыі. Даплаты ў 2026 годзе складуць:
- на малако каровіна — 35,1 рубля за тону,
- казінае малако — 50 рублёў за тону,
- авечае малако — 35,1 рубля за тону,
- на маладняк БРЖ малочных парод, выраблены на жывёлагадоўчых аб’ектах — 966,9 рубля за тону ў забойнай вазе катэгорыі супер, 842,1 рубля — за катэгорыю прыма, 717,4 рубля — за катэгорыю экстра, іншыя катэгорыі — 623,8 рубля за тону ў забойнай вазе,
- на дарослую БРЖ мясных парод і іх помесяў — 623,8 рубля за тону забойнай вагі,
- на маладняк БРЖ мясных парод і іх помесяў — 966,9 рубля за тону ў забойнай вазе катэгорыі супер, 842,1 рубля — за катэгорыю прыма, 717,4 рубля — за катэгорыю экстра, 623,8 рубля — за катэгорыю выдатная,
- на авечак — 9276,6 рубля за тону ў забойнай вазе,
- на воўну авечую мытую — 7648,4 рубля за тону,
- на воўну авечую нямытую — 3441,4 рубля за тону,
- на проса — 161,6 рубля за тону,
- на ячмень — 221,6 рубля за тону,
- на грэчку — 282,8 рубля за тону,
- на трэсту льну-даўгунцу — ад 117,4 да 293,3 рубля за тону ў залежнасці ад нумара трэсты.