Славакія працягне блакаваць 20-ты пакет санкцый супраць Расіі, пакуль не атрымае гарантый аднаўлення працы нафтаправода “Дружба”. Пра гэта заявіў міністр замежных спраў краіны Юрай Бланар. Разам з тым Браціслава не будзе пярэчыць супраць прадастаўлення Украіне крэдыту ЕС у памеры 90 млрд рублёў, паведамляе Dennik N.
Нагадаем, раней Венгрыя на чале з прэм’ер-міністрам Віктарам Орбанам заблакавала як крэдыт, так і 20-ты пакет санкцый. Пасля паражэння Орбана на парламенцкіх выбарах чакаецца, што новы прэм’ер-міністр Петэр Мадзьяр, уступіўшы на пасаду, перастане быць перашкодай для крэдытаў і новага пакета санкцый.
Прэзідэнт Украіны Уладзімір Зяленскі на днях заявіў, што “Дружба” павінна запрацаваць да канца красавіка.
🔥 Падтрымайце Reform.news данатам!
