Бліжэйшая ноч будзе ў Беларусі вельмі халоднай. Сіноптыкі аб’явілі аранжавы ўзровень небяспекі на ўсходзе краіны.
«Уначы 15 студзеня (чацвер) па ўсходняй палове краіны мінімальная тэмпература паветра складзе -25… -30°С», — гаворыцца ў папярэджанні.
Заўтра надвор’е ў Беларусі ў асноўным будзе вызначаць вобласць павышанага атмасфернага ціску, сфармаваная ў халоднай паветранай масе, па захадзе краіны адаб’ецца ўплыў франтальнага падзелу, які зрушваецца з Заходняй Еўропы. Пераважна без ападкаў, толькі ўначы па захадзе часам чакаецца снег, месцамі моцны снег, удзень у асобных раёнах па паўднёвым захадзе пройдзе невялікі снег. Уначы і раніцай месцамі слабы туман. На асобных участках дарог галалёдзіца. Вецер паўднёва-ўсходні слабы да ўмеранага. Мінімальная тэмпература паветра ўначы -17… -24°С, па захадзе -10… -16°С, месцамі; максімальная тэмпература ўдзень -12… -18°С, па захадзе -7… -11°С.
У наступныя два дні надвор’е прынцыпова не зменіцца. Уначы чакаюцца моцныя маразы.
