3 сакавіка ў непасрэднай блізкасці ад тэрытарыяльных вод Рэспублікі Мальта здзейснена атака на расійскае судна — газавоз «Арктык Метагаз». Танкер ішоў з грузам з порта Мурманск, паведамляе прэс-служба Мінтранса Расіі.
“Дзякуючы зладжаным дзеянням мальтыйскіх і расійскіх выратавальных службаў усе 30 членаў экіпажа, грамадзяне Расіі, выратаваны”, – гаворыцца ў паведамленні.
У Мінтрансе РФ упэўненыя, што напад нібыта “здзейснены з узбярэжжа Лівіі безэкіпажнымі катарамі Украіны”. Ніякіх доказаў гэтай заяве не прыводзіцца.
Расійскі бок запэўнівае, што танкер ішоў з грузам, “аформленым па ўсіх міжнародных правілах”.
🔥 Mediterranean Sea emergency: The Russian gas tanker ARCTIC METAGAZ (IMO 9243148) is on fire off the coast of Libya. The vessel is under sanctions for illegally transporting LNG. A preliminary attack by naval drones and a series of explosions are reported. A massive fire is on… pic.twitter.com/eyz4xGxPpN
— Hand of Poseidon (@hand_poseidon) March 3, 2026
***
Судна Arctic Metagaz – адно з прыкладна дзесяці газавозаў, якія выкарыстоўваюцца для транспарціроўкі санкцыянаванага СПГ з расійскага тэрмінала “Арктык СПГ-2” у порт Бэйхай на паўднёвым узбярэжжы Кітая. 24 лютага 2026-га Arctic Metagaz пакінуў порт Мурманска пасля пагрузкі і, верагодна, ішоў у напрамку егіпецкага порта Суэц, указвае gCaptain. З 2024 года карабель знаходзіцца пад санкцыямі ЗША і Вялікабрытаніі.
