Спецпасланнік прэзідэнта ЗША Стыў Уіткаф і прэзідэнт РФ Уладзімір Пуцін павінны сустрэцца ў чацвер, 22 студзеня.
«Ну, глядзіце, нам трэба сустрэцца з ім у чацвер», — сказаў Уіткаф у інтэрв’ю CNBC.
Паводле яго слоў, расійскі бок просіць аб такой сустрэчы. Ён лічыць, што гэта важны крок з іх боку.
Прэс-сакратар Крамля Дзмітрый Пяскоў пацвердзіў ТАСС, што заўтра сапраўды плануецца сустрэча Пуціна і Уіткафа.
«Мы заўтра чакаем такі кантакт, ён ёсць у графіку прэзідэнта. І заўтра ён адбудзецца», — сказаў ён.
Раней на Сусветным эканамічным форуме ў Давосе прадстаўнік расійскага прэзідэнта Кірыл Дзмітрыеў праводзіў перамовы з амерыканскай дэлегацыяй. Пяскоў адмовіўся паведамляць пра іх змест.
🔥 Падтрымайце Reform.news данатам!
