Прэзідэнт Венгрыі Тамаш Шуйок сёння сустрэўся з лідарамі партый, якія прайшлі ў парламент па выніках парламенцкіх выбараў, што адбыліся ў нядзелю.
Першым ён прыняў лідара партыі-пераможцы TISZA Петэра Мадзьяра. Шуйок заявіў, што вылучыць яго на пасаду прэм’ер-міністра і прапанаваў правесці кансультацыі па фарміраванні ўрада.
“Я паведаміў старшыні партыі TISZA, што склічу першае пасяджэнне парламента ў найкарацейшыя магчымыя тэрміны пасля абвяшчэння канчатковых вынікаў, але што падрыхтоўчыя кансультацыі да першага пасяджэння могуць пачацца ў бліжэйшыя дні, якія традыцыйна праводзяцца ў парламенце.
У сувязі з відавочнымі вынікамі выбараў я таксама загадзя паведаміў прэзідэнту Петэру Мадзьяру пра тое, што ў адпаведнасці са сваімі абавязкамі, вызначанымі ў Асноўным законе, я афіцыйна вылучу яго кандыдатуру на пасаду прэм’ер-міністра на першым пасяджэнні Нацыянальнага сходу”, – заявіў па выніках сустрэчы прэзідэнт Венгрыі.
Паводле слоў Мадзьяра, першае пасяджэнне парламента адбудзецца не раней за 4 мая. Лідар TISZA таксама заявіў журналістам, што папрасіў Шуйока добраахвотна сысці ў адстаўку, бо “венгерскі народ галасаваў не за змену ўрада, а за змену рэжыму”.
«Я атрымаў адказ, што ён разгледзіць гэта», — сказаў Мадзяр.
Пасля сустрэчы з Мадзьярам прэзідэнт Венгрыі прыняў прэм’ер-міністра Віктара Орбана. Венгерскія СМІ адзначаюць, што Орбан прайшоў у прэзідэнцкі палац не праз галоўны ўваход, каб пазбегнуць зносін з прэсай.
