Прапанова валюты ў 2025 годзе перавысіла попыт на 1,516 млрд долараў. На гэта паказвае свежая статыстыка валютнага рынку, апублікаваная Нацбанкам. Для параўнання, у 2024-м па выніках года, наадварот, попыт перавышаў прапанову валюты на 22,7 млн долараў.
Аб’ём валютнага рынку ў мінулым годзе склаў 134,79 млрд долараў. Ён вырас у параўнанні з 2024-м на 21,3%.
Па выніках года фізічныя асобы купілі валюты на 12,95 млрд долараў, а прадалі на 14,58 млрд долараў, забяспечыўшы чыстую прапанову ў 1,63 млрд долараў.
Банкі ў 2025-м купілі валюты на 70,67 млрд долараў, а прадалі на 70,975 млрд долараў. Чыстая прапанова з іх боку склала 301,9 млн долараў.
Нерэзідэнты ў мінулым годзе купілі валюты на 2,825 млрд долараў, а прадалі на 4,7 млрд долараў і сфармавалі чыстую прапанову ў 1,89 млрд долараў.
Рэзідэнты — суб’екты гаспадарання ў 2025 годзе купілі валюты на 39,76 млрд долараў, а прадалі яе на 37,45 млрд долараў. Яны выступілі чыстымі пакупнікамі валюты ў памеры 2,3 млрд долараў.
Абарот валютнага рынку ў снежні склаў 14,3 млрд долараў і стаў рэкордным месячным абаротам за апошнія гады. Для параўнання, у снежні 2024 года абарот рынку складаў 10,7 млрд долараў. Прапанову валюты ў снежні 2025 года перавысіла попыт на 118,2 млн долараў.
Фізічныя асобы ў мінулым месяцы купілі валюты на 1,33 млрд долараў, а прадалі на 1,445 млрд долараў. Месячныя аб’ёмы куплі і продажу валюты насельніцтвам у снежні былі рэкорднымі за мінулы год. Фізічныя асобы забяспечылі чыстую прапанову валюты на 115,2 млн долараў.
Банкі за месяц купілі валюты на 7,56 млрд долараў, а прадалі на 7,65 млрд долараў. Яны забяспечылі чыстую прапанову ў 90,2 млн долараў.
Нерэзідэнты ў снежні купілі валюты на 278,1 млн долараў, а прадалі — на 507,9 млн долараў, стаўшы чыстымі прадаўцамі валюты ў памеры 229,8 млн долараў.
Нарэшце, беларускія суб’екты гаспадарання ў снежні купілі валюты на 4,415 млрд долараў, а прадалі на 4,1 млрд долараў. Яны былі чыстымі пакупнікамі валюты ў памеры 317 млн долараў.
