Платформа SVAE і «Дзённікі супрацоўніка НКВД» прызнаны «экстрэмісцкімі матэрыяламі»

Міністэрства інфармацыі абнавіла пералік «экстрэмісцкіх матэрыялаў».

У яго трапілі праекты «Тры сланы» і SVAE. «Экстрэмісцкімі» прызнаны лагатыпы праектаў, акаўнты SVAE у сацсетках і мабільныя прыкладанні ў App Store і Google Play.

У спіс таксама ўключаны:

• кніга «Дзённікі супрацоўніка НКВД: дакументальнае выкрыццё сталінізму» пад аўтарствам А. Зелянкоўскай,
• лагатып акаўнта ў TikTok «Беларусь life»,
• чат у Telegram «Новы Час Chat» і тэлеграм-бот «Новы Час Online»,
• відэа на YouTube «ЛУКАШЭНКА тайна ненавідзіць Пуціна! УСПЛЫЎ САКРЭТ. ЖАХЛІВЫЯ схемы з КРАМЛЁМ!»,
• акаўнт у Instagram «takija.samyja», «mironauillia», «karakulya_best»,
• сайт і тэлеграм-канал «BYACTION», электронная пошта праекта і кантакт у Signal «Вyaction.org»,
• акаўнт у Facebook «Ка Malika»,
• Тэлеграм-канал «White scout 88»,
• акаўнты ў TikTok «Лукаш за кадром 3%», «Чык Чырык»,
• аналагі сайта «Анархічны чорны крыж Беларусі».

Абвінавачанні ў экстрэмізме выкарыстоўваюцца беларускімі ўладамі для барацьбы з апанентамі, а таксама пераследу іншадумства ў цэлым.