Прэзідэнт Ірана Масуд Пезешкіян заявіў, што часовы кіраўнічы савет, сфарміраваны ў адпаведнасці з артыкулам 111 Канстытуцыі, прыступіў да выканання сваіх абавязкаў. Пра гэта паведамляе агенцтва Tasnim.
«Савет будзе з цвёрдасцю працягваць шлях вярхоўнага лідара», — запэўніў ён, заявіўшы, што ўзброеныя сілы Ірана працягнуць наносіць удары па базах праціўніка.
Пезешкіян таксама заклікаў іранскі народ выйсці на вуліцы і ў мячэці, каб «сарваць планы ворагаў».
Згодна з іранскай Канстытуцыяй, савет у складзе прэзідэнта, кіраўніка судовай улады і аднаго з членаў-прававедаў Савета вартавых часова выконвае абавязкі вярхоўнага лідара да абрання новага.
У склад кіраўнічага савета ўвайшлі аятала Алірэза Арафі, прэзідэнт Ірана Масуд Пезешкіян і кіраўнік судовай улады Галямхасейн Махсені Эджэі.
