Нацыянальны банк збіраецца да 2030 года давесці долю спажывецкіх крэдытаў на беларускія тавары да 20%. Пра гэта паведаміў першы намеснік старшыні праўлення Нацбанка Аляксандр Ягораў.
“Калі гаварыць пра крэдыты на тавары айчыннай вытворчасці, то мэтавая лічба ў нас 20% да канца гэтай пяцігодкі. Пакуль мы ставім задачу прыкладна на 2 працэнтныя пункты павялічваць гэту долю штогод. Адпаведна на 2026 год мэтавая задача — выйсці на ўзровень прыкладна 12% і далей паступова яго павялічваць”, — сказаў ён.
Нядаўна была падоўжаная праграма крэдытавання беларускіх тавараў «На родныя тавары». Яна дазваляе ў «Беларусбанку» ўзяць крэдыт пад 4% гадавых пры ўмове набыцця тавараў айчыннай вытворчасці, унесеных у адпаведны пералік.
🔥 Падтрымайце Reform.news данатам!