Міністэрства замежных спраў Эстоніі выказалася ў падтрымку ЕГУ. Рашэнне аб прызнанні ўніверсітэта “экстрэмісцкай арганізацыяй” выклікае ў Эстоніі глыбокую трывогу.
“Рашэнне Беларусі прызнаць Еўрапейскі гуманітарны ўніверсітэт экстрэмісцкай арганізацыяй выклікае глыбокую трывогу. Такі крок закранае тысячы студэнтаў, выпускнікоў і выкладчыкаў і падымае больш шырокія пытанні аб умовах незалежнай адукацыі. Ён уяўляе сабой сур’ёзнае парушэнне права на адукацыю, свабодную ад палітычнага ўмяшання”, – гаворыцца ў кароткай заяве, апублікаванай у сетцы X.
У МЗС Эстоніі выказалі нязгоду з рашэннем, прынятым у Беларусі.
“Эстонія выказвае нязгоду з гэтым рашэннем і падкрэслівае, што імкненне да ведаў і акадэмічная свабода не павінны асацыявацца з экстрэмізмам. Мы гатовыя падтрымаць супольнасць ЕГУ і Літву”, – дадалі ў міністэрстве.
