Аляксандр Лукашэнка хоча працягваць палітычны дыялог і пашыраць кантакты з Сербіяй на ўсіх узроўнях. Пра гэта ён заявіў у віншаванні прэзідэнта Сербіі Аляксандра Вучыча з Днём дзяржаўнасці.
“У нашай краіне рады пераканаўчым дасягненням Сербіі ў забеспячэнні ўстойлівасці нацыянальнай эканомікі і павышэнні дабрабыту сваіх грамадзян у сучасных надзвычай няпростых умовах”, — гаворыцца ў пасланні.
Паводле слоў Лукашэнкі, Мінск і Бялград, “нягледзячы на перашкоды і выклікі”, знаходзяць новыя магчымасці для кааперацыі ў прыярытэтных сферах.
Ён пацвердзіў “непахісную зацікаўленасць у развіцці плённага супрацоўніцтва з Сербіяй, працягванні палітычнага дыялогу і пашырэнні кантактаў на ўсіх узроўнях”.
“Мы нацэлены і ў далейшым адстойваць нашы агульныя мэты і каштоўнасці на міжнароднай арэне, падтрымліваць адзін аднаго па актуальных пытаннях рэгіянальнай і глабальнай павестак дня. Упэўнены, што паспяховае партнёрства Мінска і Бялграда будзе спрыяць міру і стабільнасці на Еўрапейскім кантыненце”, — прыводзіць словы Лукашэнкі яго прэс-служба.
Ён пажадаў Вучычу здароўя, ажыццяўлення планаў і поспехаў у дзяржаўнай дзейнасці, а “братскаму сербскаму народу — росквіту і прагрэсу”.