Экспарт беларускіх інвестыцыйных тавараў практычна аднавіўся. На гэта ўказваюць дадзеныя Белстата.
У студзені-лютым беларускі экспарт інвестыцыйных тавараў склаў 603,2 млн долараў, што ўсяго на 0,1% менш, чым за аналагічны перыяд мінулага года. Нагадаем, у папярэднія месяцы назіралася стабільнае зніжэнне аб’ёму экспарту інвестыцыйных тавараў.
Імпарт інвестыцыйных тавараў у студзені-лютым вырас на 2,1% да 721,2 млн долараў.
Гандаль прамежкавымі таварамі знаходзіцца ў “зялёнай” зоне. Экспарт вырас на 8,8% да 3,17 млрд долараў, а імпарт – на 0,6% да 3,97 млрд долараў.
Экспарт спажывецкіх тавараў у студзені-лютым вырас на 32,3% да 2,55 млрд долараў, у тым ліку харчавання – на 29,3% да 1,42 млрд долараў, а нехарчовых тавараў – на 36,2% да 1,14 млрд долараў.
Імпарт спажывецкіх тавараў рос меншымі тэмпамі. Ён павялічыўся ў студзені-лютым на 30,6% да 2,685 млрд долараў, у тым ліку імпарт харчавання – на 33,2% да 692,8 млн долараў, а нехарчовых тавараў – на 29,7% да 1,99 млрд долараў.