Гродзенскія мытнікі і супрацоўнікі «Белмытсэрвісу» выявілі незвычайнага пасажыра падчас перагрузкі легкавых аўтамабіляў, дастаўленых марскім кантэйнерам з ЗША. На пярэдняй панэлі аднаго з аўтамабіляў знаходзіўся янот.
Мяркуецца, што жывёла магла залезці ў кантэйнер яшчэ на этапе пагрузкі і затым разам з аўтамабілямі перасекчы Атлантыку. Выявілі яго на ведамасным пункце мытнага афармлення Каменны Лог-ТЛЦ. На месца аператыўна былі выкліканыя профільныя спецыялісты. Да іх прыбыцця мытнікі і работнікі прадпрыемства забяспечылі жывёле неабходныя ўмовы.
У цяперашні час янот накіраваны на каранцін у Ашмянскую раённую ветэрынарную станцыю, дзе за яго станам назіраюць спецыялісты.
Пасля завяршэння каранцінных мерапрыемстваў плануецца вырашыць далейшы лёс жывёлы. Разглядаюцца варыянты перадачы янота ў Налібоцкую пушчу альбо ў Гродзенскі заапарк — з улікам ветэрынарных заключэнняў і стану жывёлы.
«Будзем сачыць за лёсам амерыканскага пасажыра», — адзначылі ў Дзяржаўным мытным камітэце.
