ААТ “Гродзенская тытунёвая фабрыка “Нёман” рэзка нарасціла выручку ў 2025 годзе. Пра гэта сведчыць справаздачнасць прадпрыемства, апублікаваная на ЕПФР.
Выручка ад рэалізацыі ў мінулым годзе вырасла адразу на 78,7% да 585,2 млн рублёў.
Сабекошт рэалізаванай прадукцыі пры гэтым павялічыўся ў 2 разы да 394,59 млн рублёў.
Чысты прыбытак фабрыкі павялічыўся на 59,2% да 119,3 млн рублёў.
Аб’ём вытворчасці прамысловай прадукцыі ў 2025 годзе склаў 708,5 млн рублёў, што ў 2,1 раза больш, чым у 2024 годзе. Пры гэтым з улікам перапрацаванай давальніцкай сыравіны аб’ём прампрадукцыі склаў 983,6 млн рублёў.
Вытворчыя магутнасці фабрыкі па выпуску цыгарэт з фільтрам былі выкарыстаны на 77,6%.
У заўвагах у фінансавай справаздачнасці адзначаецца, што з 2025 года змяніліся ўмовы гаспадарання “ГТФ “Нёман”. Пры выпуску цыгарэт адбыўся пераход ад кантрактнай вытворчасці з выкарыстаннем давальніцкай сыравіны і матэрыялаў да вытворчасці з уласнай сыравіны і матэрыялаў. Таксама самастойна ажыццяўляецца фарміраванне адпускных і максімальных рознічных цэн.
Нагадаем, раней стала вядома, што “ГТФ “Нёман” па выніках 2025 года выплаціць у бюджэт 28,066 млн рублёў дывідэндаў. У заўвагах да справаздачнасці ўказана, што таксама прадпрыемства пералічыць у фонд нацыянальнага развіцця 46,89 млн рублёў.