У панядзелак спотавая цана на золата абнавіла рэкорд. Як паведамляе Reuters, кошт унцыі каштоўнага металу падняўся да 4383,73 долара.
У якасці прычын росту называюцца чаканае зніжэнне ставак Федэральнай рэзервовай сістэмай ЗША, а таксама рост геапалітычнай напружанасці. З пачатку года золата падаражэла на 67%.
Нагадаем, рост кошту золата з’яўляецца адным з галоўных фактараў павелічэння золатавалютных рэзерваў Беларусі. У іх знаходзіцца 1,7 млн унцый каштоўнага металу.
Па стане на 1 снежня ЗВР краіны склалі 13,9 млрд долараў. З пачатку года яны выраслі амаль на 4,98 млрд долараў, у тым ліку прырост кошту золата склаў 2,73 млрд долараў.
Дапоўнена
Пазней спотавыя каціроўкі абнавілі нядаўна дасягнуты максімум. Цана золата ўпершыню перавысіла 4400 долараў. Унцыя золата раніцай каштавала 4400,29 долара.