Партыю пральнага парашка спрабавалі ўвезці ў Беларусь, занізіўшы мытныя плацяжы на 42 тысячы рублёў, паведамляе прэс-служба Дзяржаўнага мытнага камітэта.
Грузавік SCANIA прыбыў з Польшчы ў пункт пропуску «Казловічы». У ходзе кантролю высветлілася, што даныя ў таварасуправаджальных дакументах не адпавядаюць фактычнаму грузу: замест заяўленай партыі ў аўтамабілі знаходзіўся пральны парашок значна большай вартасці. Незадэклараванымі аказаліся 2,3 тысячы ўпаковак на суму звыш 150 тысяч рублёў.
Брэсцкая мытня пачала адміністрацыйны працэс па ч. 1 арт. 15.5 КаАП у дачыненні да польскага перавозчыка. Санкцыя артыкула прадугледжвае штраф да 30% ад кошту прадмета адміністрацыйнага правапарушэння.
🔥 Падтрымайце Reform.news данатам!