Беларусь паведаміла Літве пра запланаванае будаўніцтва пункта пахавання і часовага захоўвання радыеактыўных адходаў.
Міністэрства прыродных рэсурсаў і аховы навакольнага асяроддзя Беларусі накіравала Міністэрству навакольнага асяроддзя Літвы паведамленне адносна ацэнкі ўздзеяння запланаванай гаспадарчай дзейнасці на навакольнае асяроддзе і просіць праінфармаваць, ці мае Літва намер удзельнічаць у працэсе трансгранічнай ацэнкі ўздзеяння на навакольнае асяроддзе.
Беларускі бок таксама просіць Літву прадставіць заўвагі і прапановы па праграме ацэнкі ўздзеяння запланаванай гаспадарчай дзейнасці на навакольнае асяроддзе, паведамляе прэс-служба Міністэрства навакольнага асяроддзя Літвы.
Літоўскае міністэрства плануе прааналізаваць прапановы літоўскіх ведамстваў і грамадскасці і прадставіць Беларусі пазіцыю Літвы.
Сховішча плануецца пабудаваць у 2028–2030 гадах з увядзеннем у эксплуатацыю ў 2030 годзе. Працягласць эксплуатацыі складае 100 гадоў.
Літве прадастаўлена праграма ацэнкі ўздзеяння на навакольнае асяроддзе. Паводле дакумента, для будаўніцтва аб’екта разглядаюцца тры пляцоўкі: Хойніцкі раён, Астравецкі раён і Мсціслаўскі раён.
