На тэрыторыі Беларусі праходзяць перамовы амбудсмена Украіны Дзмітрыя Лубінца і ўпаўнаважанай па правах чалавека ў РФ Таццяны Маскальковай.
Па сцвярджэнні Маскальковай, з моманту аперацыі Узброеных сіл Украіны ў Курскай вобласці РФ, якая пачалася ў жніўні 2024 года, ва Украіну былі перамешчаны 165 мірных курскіх жыхароў. На сёння там застаюцца яшчэ 10 чалавек.
«Ясна дала зразумець, што нашы мірныя грамадзяне не стануць прадметам торгу ў перагаворным працэсе. Іх вяртанне дадому — пытанне ў парадку дня нумар адзін. Перадалі лісты ваеннапалонным. Вядзём актыўную працу па ўсіх напрамках гуманітарных пытанняў», — заявіла расійская амбудсмен.
Нагадаем, сёння Украіна і Расія правялі першы ў гэтым годзе абмен палоннымі ў фармаце 157 на 157. Абмен праходзіў праз тэрыторыю Беларусі.
