Уладзімір Зяленскі прапанаваў міністру лічбавай трансфармацыі Міхаілу Фёдараву ўзначаліць Міністэрства абароны Украіны.
«Я вырашыў змяніць фармат працы Міністэрства абароны Украіны. Новым міністрам абароны Украіны я прапанаваў стаць Міхаілу Фёдараву.
Міхаіл глыбока займаецца пытаннямі па лініі дронаў, працуе вельмі вынікова ў лічбавізацыі дзяржаўных паслуг і працэсаў. Разам з усімі нашымі вайскоўцамі, з вайсковым камандаваннем, разам з нацыянальнымі вытворцамі ўзбраення і партнёрамі Украіны трэба рэалізаваць у сферы абароны такія змены, якія дапамогуць», — заявіў Зяленскі ў відэазвароце 2 студзеня.
Цяпер пасаду міністра абароны займае Дзяніс Шмыгаль. Зяленскі падкрэсліў, што ён застанецца ў камандзе, але будзе накіраваны на іншы напрамак, «не менш важны для нашай устойлівасці».
Зяленскі заявіў, што абвесціць пра далейшыя кадравыя змены заўтра.
Нагадаем, сёння Зяленскі прызначыў начальніка ГУР Мінабароны Кірыла Буданава кіраўніком свайго офіса. Новым начальнікам ГУР стаў Алег Івашчанка, які да гэтага ўзначальваў Службу знешняй разведкі Украіны.
