Аперацыя ЗША і Ізраіля супраць Ірана паказала, што Злучаныя Штаты ўразлівыя і не справяцца з Кітаем. Такім меркаваннем Аляксандр Лукашэнка падзяліўся з генсекам АДКБ Таалатбекам Масадыкавым падчас сённяшняй сустрэчы.
Лукашэнка падкрэсліў, што пытанні нарошчвання ўзбраенняў і іншыя праблемы трэба вырашаць мірна.
“Усе гэтыя пытанні і іншыя трэба вырашаць мірна, разумеючы, што ніхто нікому з нас не дапаможа, калі мы не дапаможам самі сабе.
Вы бачыце, як развіваецца свет. Незразумела, у якім напрамку ён будзе развівацца, як будуць выбудаваны міжнародныя адносіны.
Пазіцыя ЗША і ў цэлым Захаду ўжо абсалютна ясная. І дзякуй богу, што Трамп агаліў гэтую абстаноўку, і мы цяпер разумеем, дзе “правы чалавека”, дзе “дэмакратыя”, дзе яшчэ нейкія пытанні… Мы павінны рабіць адпаведныя высновы з таго, што адбылося. Асабліва ў плане Ірана”, – сказаў ён.
Паводле слоў Лукашэнкі, АДКБ павінна зрабіць высновы з гэтай кампаніі.
“Гэта магутная краіна з вялікімі традыцыямі. І самае небяспечнае сёння для ЗША тое, што амерыканцы паказалі сваю ўразлівасць. Для іх галоўны вораг, як яны заўсёды казалі, быў Кітай. Але сёння і амерыканцы зразумелі, што з кітайцамі яны ніколі не справяцца. Ніколі. І гэта дэманструе сітуацыя ў Іране”, – сказаў Лукашэнка.
Ён лічыць, што таму вайну супраць Ірана трэба заканчваць. На гэты раз яго парада датычыцца і Ізраіля. Нагадаем, у пятніцу ён заявіў, што раіў прэзідэнту ЗША Дональду Трампу пакінуць Ізраіль сам-насам з Іранам.
“І ізраільцянам трэба думаць над тым, каб не закасаўшы рукавы і не паказваць сваю спрытнасць”, – дадаў Лукашэнка.
“Няма той краіны, якая магла б перамагчы Іран. Вельмі складаная геаграфічна краіна, вельмі рашуча настроенае насельніцтва, гатовыя гінуць за сваю зямлю. Персія, што тут казаць. Мы ж выдатна ведаем гісторыю гэтай краіны. Таму трэба заканчваць”, – канстатаваў ён.
Падчас сустрэчы Лукашэнка таксама ацаніў, ці дапаможа яму Кыргызстан у выпадку канфлікту з Беларуссю і параіў арганізаваць сустрэчу з кіраўніцтвам Арменіі.
