Прэзідэнт ЗША Дональд Трамп заявіў, што не верыць ва ўкраінскую атаку на рэзідэнцыю прэзідэнта РФ Уладзіміра Пуціна. Паводле яго слоў, ён пачуў пра гэта падчас тэлефоннай размовы з Пуціным, але інфармацыю не ўдалося пацвердзіць.
“Я не веру, што гэты ўдар быў нанесены”, — сказаў Трамп.
“Нешта адбылося паблізу, але гэта не мела да гэтага ніякага дачынення”, — дадаў ён.
У яго спыталі, чаму ж тады ён паверыў Пуціну і заявіў пра атаку публічна.
“Таму што ў той момант ніхто не ведаў. Я маю на ўвазе, што я пачуў пра гэта ўпершыню… Ён сказаў, што яго дом падвергся нападу. Цяпер, калі мы змаглі гэта праверыць, мы не верым, што гэта адбылося. Але гэта было першае, што мы пачулі пра гэта”, — адказаў Трамп.
Ён дадаў, што ўсё ж разлічвае на мірнае пагадненне паміж РФ і Украінай.
