Праўленне Нацыянальнага банка Беларусі прыняло рашэнне аб зніжэнні на 0,5 п.п. стаўкі рэфінансавання. З 1 чэрвеня яна складзе 9,25% гадавых.
На такую ж велічыню зніжаецца стаўка па крэдыце авернайт. Яна складзе 10,75% гадавых.
Стаўка рэфінансавання ўплывае на кошт крэдытаў у эканоміцы, а таксама стаўкі па дэпазітах.
Выступаючы на адкрыцці сённяшняга пасяджэння, старшыня праўлення Нацбанка Раман Галоўчанка аргументаваў неабходнасць перагляду стаўкі запавольваннем інфляцыі, вяртаннем ВУП да росту, паляпшэннем дынамікі знешняга гандлю.
Трэба адзначыць, што амаль год таму стаўка рэфінансавання была павялічана Нацбанкам на 0,25 п.п. да 9,75% гадавых. Апошні раз паказчык знаходзіўся на ўзроўні 9,25% гадавых у 2021 годзе.
У канцы лютага 2022 года пасля пачатку поўнамаштабнай вайны Расіі супраць Украіны Нацбанк Беларусі павысіў стаўку рэфінансавання да 12% гадавых. Са студзеня 2023 года ён пачаў яе зніжэнне. Яно працягвалася да лета 2023 года, калі стаўка дасягнула ўзроўню ў 9,5% гадавых. Пасля гэтага паказчык заставаўся нязменным на працягу двух гадоў.
